Teresa Lafraguak Ortuellara eraman du emakume meatzarien inguruko erakusketa
Aimar Gutierrez Bidarte
2022ko mar. 16a, 18:52
Santxotena Museoko zuzendariak iaz aurkeztu zuen bere erakusketa berria, XIX. mende amaierako emakume meatzarien papera aldarrikatzea helburu. Orain Ortuellako Kultur Etxean egongo da erakusketa ikusgai, apirilaren 1era arte.
2021eko apirilean aurkeztu zuen Teresa Lafraguak, Santxotena Museoko zuzendariak, emakumeak eta meatzaritzarekin lotutako jaiotzen erakusketa berria. Bildutako piezek XIX. mende amaieran emakumeek meatzaritzan bete zuten paper garrantzitsua erakusten zuten, garai hartako lanbideen birpasa eginez.
Euskal Herriko Meatzaritza Museoarekin elkarlanean egin zuten orduko hartan erakusketa, eta orain, Ortuellako Kultur Etxera eraman dituzte lan hau osatzen duten piezak. Bertan egongo da erakusketa ikusgai apirilaren 1era arte, 9.30etatik 14:30etara eta 16:30etatik 21:00etara.
Jaiotzekin batera, Ortuella inguruko meategietan ateratako 23 argazki zaharrekin atondu dute esposizioa, baita meatzaritzan erabilitako hainbat lanabesekin ere. Horrez gain, Xabier Santxotena eskultoreak Dolores Ibarruri Pasionaria-ren omenez egindako egurrezko eskultura ere mugitu dute Artziniegako museotik Ortuellako Kultur Etxera.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.