Iragan larunbatean eta igandean 105 patinatzaile lehiatu ziren Artziniegako Kiroldegian. Zehazki, Espainiako Estatuko iparraldeko bost federaziok parte hartu zuten txapelketan; Asturias, Kantabria, Gaztela-Leon, Errioxa eta Euskadi tartean.
Euskadiko Irristaketa Federazioak antolatuta, autonomien arteko txapelketa jokatu zuten asteburuan Artziniegan. Larunbatean eta igandean neurtu zituzten euren indarrak eta trebeziak Asturias, Kantabria, Gaztela-Leon, Errioxa eta Euskadiko patinatzaile artistikoek, goizez eta arratsaldez.
Kalitate handiko kirolariak ikusteko aukera egon zen. Adibidez, igandean Hector Diaz Munduko Txapelketako bigarren sailkatua aritu zen kiroldegian. Euskadiko Federazioak oso positiboki baloratu du ekimema: "Ezaugarri honetako lehen txapelketa izan da federazioaren historian; eta asmoa da, aintzat hartuta lehiaketa ofiziala ez dela izan, patinatzaileek ezagutzea zer puntuatzen duten epaileek txapelketa batean. Finean, esperientzia izatea emaitzak hobetzeko lehiaketa autonomikoetan edo estatukoan".
Halaber, federazioa pozik agertu da eskualdean izandako harrerarekin: "Artziniegako Udalak berehala eskaini zigun pista, eta eskertu genuen, azpiegitura guztiek ez baitute balio kirol hau egiteko. Gainera, espero dugu etorkizunean Laudion ere ekimenen bat antolatzea. Uste dugu Artziniegako ordezkariak ere pozik daudela, jende pila joan baitzen herrira".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide