Artziniegako hiribilduaren 750. urteurrenaren ospakizunak ez du etenik eta hainbat esparrutan eragiten ari da bere aniztasuna eta balioa goraipatzeko. Asteburu honetan, igandean, hain zuzen, ondare naturalari erreparatuko diote. 10:30ean Toñin Luengas frontoitik abiatuko dira eta bi orduko txangoa proposatuko dute.
Horretarako ez dira herrigunetik aldenduko eta, euskaraz, bertan dauden animali eta landareei dagokien garrantzia emango diete. Antolatzaileek iragarri dutenez, "Artziniegako hiri-egituran zuhaitz batzuk daude, itxura, berezitasun edo historiagatik ezagutzera ematea eta balioestea merezi dutenak".
Berez, Muskerrak Ingurumen Elkartearen kideen eskutik, Hirigune Historikoa eta Garai plazaren ingurua zeharkatuko dituzte, Arteko Landan amaitzeko, bidean dauden zuhaitz batzuk behatzeko geldialdiak eginda.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
