Xabier Santxotenak bisita gidatuko du bihar bere eskulturak aurkezteko

Aitor Aspuru Saez 2022ko apirilaren 8a
Deskargatu Info Ahotsak :

Xabier Santxotenak lagatu duen eskulturetako bat. / Artziniegako Udala

Xabier Santxotena artistak lau eskultura izango ditu aurten Artziniegan, hiribilduaren 750. urteurrena dela eta. Bihar aurkeztuko ditu, bisita gidatu baten bidez.

Artziniega hiribilduaren fundazioaren 750. urteurrenaren ospakizuna dela medio, hainbat herritarrek ekarpena egin diote egitasmoari. Horien artean dago, hasieratik, Xabier Santxotena artista. Jatorriz baztandarra bada ere, urte hasieran jarri zuen ikusgai udaletxean santutegiko artearen adar batekin sortutako eskultura.

Horrez gain, beste hiru artelan utzi ditu Udalaren esku, 2022. urtea amaitu arte. Eskulturen izenak dira Gure izarra, Artoari eta Alexander Calderi omenaldia eta alde zaharreko hainbat tokitan jarri dituzte. Horien historia ezagutzeko aukera emango du egileak berak bihar 11:00etan, herrigunean egingo duen ibilbidean. Parrokiatik abiatuko da Museo Etnografikoan amaitzeko.

Artziniegako Udala pozik agertu da Santxotenaren lanekin eta ziurtatu du ondare horrek jadanik alde zaharrak duena handitzen duela.

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide