Jardueraz betetako asteburua izan dute artziniegarrek, hiribilduaren 750. urteurrenaren testuinguruan. Ostiralean hitzaldia egin zuten udaletxean. Burdin Aroa eskualdean nola bizi izan zen izan zuen hizpide Jon Obaldia Undurraga historialariak, Erretes Tudelako elizaren kasuan zentratuz.
Atzo, aldiz, hiru ekintza egon ziren guztira. Xabier Santxotena eskultoreak bisita gidatua eskaini zuen Artziniegako alde zaharrean barrena, 750. urteurrena dela eta egin dituen eskulturak aurkezteko. Bego Viñuelak, aldiz, kaligrafia gotikoko tailerra eman zuen udal liburutegian.
Arratsaldean, aldiz, kirolak hartu zuen kulturaren lekukoa, Bizindar taldearen eskutik. Artziniegako herri kirol taldeak Donemiliagako Betagarri taldearen aurka neurtu zituen indarrak hainbat probetan, Toñin Luengas frontoian.
Argazkiak: Artziniegako Udala
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide