Kirol alternatibo eta jolasen topaketa egingo dute Artziniegan ekaineko lehen asteburuan. Ramon Rey Gomezek (Artzikirolaren sortzailea) antolatu du ekimena, Francisco Javier Blanco Arberekin batera. Larunbat eta igandean ekintza ugari antolatuko dituzte, goiz zein arratsaldez. "Azken urteotan kirol eta jolas alternatiboen presentzia gero eta nabarmenagoa izaten ari da. Gorputz hezkuntzako arloan, aisialdian edo eskolaz kanpoko jardueretan kirol eta jolas alternatiboak deritzanak aukera bat baino gehiago bihurtu dira hezitzaile zein irakasleentzako. Beharbada, ikasleen parte hartzea areagotzea lortzen dutelako", adierazi dute sustatzaileek.
"Gorputz hezkuntzako arloan, aisialdian edo eskolaz kanpoko jardueretan kirol eta jolas alternatiboak deritzanak aukera bat baino gehiago bihurtu dira hezitzaile zein irakasleentzako"
Topaketaren helburua kirol eta jolas horiek ezagutaraztea da, "euren ezaugarrietan sakonduz". Hargatik, topaketak Lehen zein Bigarren Hezkuntzako Gorputz Heziketako irakasleei zuzenduta daudela diote, "baita kirol monitore eta entrenatzaile, gizarte langile zein dinamizatzaileei ere".
Guztira, 11 ekintza barne hartuko ditu jardunaldiak, eta toki anitzetatik etorriko dira hizlariak zein adituak bakoitzaren esperientzia erakustera:
- "Artzikirola: Gorputz heziketako curriculumean: aplikazioa eta garapena saio praktikoan" hitzaldia (Francisco Javier Blanco Arbe)
- "Komunikazioa. Parkourra Gorputz Heziketan" hitzaldia (Pablo Mauleon)
- "Eskola aktiboak: 10.000 urrats" hitzaldia (Maria Sanchez eta Juan Alcaraz)
- "La rosquilla" (Manuel Rodrigez)
- Bijbol tailer praktikoa (Tere Miñas)
- Artzikirol tailer praktikoa (Ramon Rey Gomez)
- Herri kirolen erakustaldia (Ramon Rey Gomez)
- Twinknon tailer praktikoa (Pau Morant)
- Stikbomball tailer praktikoa (Carmelo Trapero)
- Battball tailer praktikoa (Jose Antonio Amador)
- "Kirol eta jolas alternatiboen orainaldia eta etorkizuna eskolan eta eskolaz kanpo" mahai ingurua
Izen emateak 10 euro balioko ditu. Hemen ikusi daitezke xehetasun guztiak, egitaraua barne:
