Bi margo lehiaketa hartuko ditu Artziniegak igandean

Aitor Aspuru Saez 2022ko maiatzaren 20a
Deskargatu Info Ahotsak :

Aurreko edizio baten irabazlea. / Artziniegako Udala

Artziniega Hiribildua lehiaketaren XXIV. edizioa izango da eta Artziniega Museoa haur eta gazte margo lehiaketaren V. edizioa. 2.000 euro baino gehiago banatuko dira sarietan.

Margo lehiaketak Artziniegara itzuliko dira igandean. Izan ere, Artziniega Museoak berriro antolatu ditu Artziniega Hiribildua eta Artziniega Museoa probak, Udalaren eta Foru Aldundiaren laguntzarekin.

Artziniega Hiribildua bere XXIV. ediziora helduko da. Horretan parte hartzeko beharrezkoa izango da adinez nagusia izatea eta guztira 2.250 euroko sariak banatuko dira:

  • 1.000 euro lehen irabazleari.
  • 600 euro bigarren sailkatuari.
  • 400 euro hirugarren sailkatuari.
  • 2 accesit, 125 eurokoa bakoitza.

Toñin Luengas frontoian zigilatu beharko dira lanak 08:30etatik 11:30ak arte eta 14:00etan amaitu. Sariak 15:00etan banatuko dituzte. Irabazten duten lanak Artziniegako Udalarenak izatera igaroko dira.

Artziniega Museoa haur eta gazte margo lehiaketa, aldiz, 18 urtetik beherako margolarientzako hitzordua da eta lau urtetik gorakoek izango dute aukera izena emateko. Parte-hartzaile guztiek opari txikia jasoko dute.

 

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide