Artziniegako EAJk oharra zabaldu du jakinarazteko ekaineko udal osoko bilkuran Hiri Antolamendurako Plan Orokor berria eta Herritarren Partaidetzarako Programa diseinatzea ahalbidetuko duen prozeduraren alde bozkatu duela.
Encina Castresana jeltzaleen bozeramaileak azaldu duenez, eskaera egin dute plan horri begira: "EAJ-PNVk HAPO berria diseinatzeko prozeduraren hasiera onartzea babestu dugu, baina udal berdintasun-teknikariak ere prozesu horretan parte hartzeko proposamenarekin". Izan ere, Artziniegako EAJk uste du genero ikuspegia zeharka txertatu behar dela.
Bestalde, jeltzaleek aldeko botoa eman dute ere 2022an Artziniegan egingo diren jardueretarako kultura- eta kirol-diru-laguntzen deialdiaren oinarrien bozketan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
