"Jarrera hezigabeak" jazo dira Artziniegako Udal Igerilekuetako komunetan azken asteetan. Hala salatu du Udalak sare sozialen bidez zabaldutako oharrean. Tokiko erakundeak nabarmendu du jokabide horiek "erabateko errespetu falta" suposatzen dutela "garbiketako langileekiko eta azpiegiturekiko".
Gauzak hala, ohartarazi dute sarrera debekatu egingo dietela horrelako jarrerak izaten identifikatzen dituzten pertsonei, eta "neurri zorrotzagoak" ere hartuko dituzte, "egoera errepikatzen baldin bada".
Joseba Vivanco alkateak ere salatu du gertatutakoa, sare sozialen bidez, eta argazki bat partekatu du egoera erakusteko. "Hezkuntza eta errespetua ikasi egiten dira, eta familian ikasten dira. Garaiz gabiltza", adierazi du gobernuburuak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
