Benjamin Respaldiza apaizaren lana aitortu zuten atzo hainbat herritarrek. Lehenik eta behin, meza egin zen Arteako Santutegian eta gero herri bazkariaren ordua heldu zen frontoian.
Benjamin Respaldizak berak adierazi zion Aiaraldea Komunikabideari hitzordu polita zela. Izan ere, duela denbora pilo ikusten ez zuen jendearekin elkartzeko aukera izan zuen apaizak.
Bere aburuz, egindako jarduera kulturala -museoan, adibidez- aitortu ez ezik, Artziniega bizirik mantentzeko egiten duen ahalegina ere aitortu zioten atzo.
Zentzu horretan, bere iritziz, ez zen Benjamin Respaldizaren jaia izan, ospakizun herrikoia baizik. Halaber, oso pozik egon arren, apaizak argitu zuen omenaldiak ez zuela itsutuko: "Bihar komuna garbitu eta bazkaria egin beharko dut, hortaz, ez zait burura igoko".
Argazkiak: Aitor Aspuru, Uxue Tome eta Encina Castresana
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide