Strata bilduma desfile batekin aurkeztuko dute Artziniega Museoko anfiteatroan

Izar Mendiguren Cosgaya 2022ko irailaren 20a
Deskargatu Info Ahotsak :

Artziniega Museoko anfiteatroan egingo dute ekimena. / Aiaraldea.eus

Urriaren 1ean izango da ekimena , 19:30ean Artziniega Museoan. Erdi Aroko gizarte klaseak irudikatuko dituzte jantzi eta ehunen bidez.

Strata bilduma aurkeztuko dute urriaren 1ean Artziniegan. Artziniega Museoan egingo dute ekimena urriko lehen larunbatean, hots, hilaren 1ean. "Strata bilduma moda desfile batekin aurkeztuko dugu", adierazi du Artziniega Museoak sare sozialetan. Aurreratu dutenez, museo etnografikoaren anfiteatroa erabiliko dute horretarako, "jakina, guztiok zaudete gonbidatuta". 

"Artziniegaren 750. urtemuga aprobetxatuta, Erdi Aroan inspiratu dituzte euren lookak, baina abangoardistago"

Strata bildumari dagokionean, Creanavarrako ikasle talde batek eginiko lana dela aurreratu du herriko eragileak: "Artziniegaren 750. urtemuga aprobetxatuta, Erdi Aroan inspiratu dituzte euren lookak, baina abangoardistago". Gainera, desfile musikatua izango da: zuzeneko musika eskainiko baitute Nerea Quincocesek eta Jordi Arcusak. "Bilduma  garai hartako gizarte klaseen errepasoa da, garai hartako jantziei, ehunei edo xehetasunei keinu eginez", erantsi dute.

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide