Erretes Tudelak 21.240,64 euro jasoko ditu San Roke ermita zaharberritzeko. Horrela adierazi du Arabako Foru Aldundiko Kultura eta Kirol Saileko Historia eta Arkitektura Ondarearen Zerbitzuak, lurralde historikoko eta Trebiñuko elementu txikiak, ermitak eta eraikinak kontserbatzeko eta zaharberritzeko deialdia dela eta.
Guztira, hamar proiektu babestu ditu foru erakundeak eta dirulaguntzak ez du ordainduko obraren kostu osoa. Gehienez, programa honek %80 ordaintzen, hortaz, Erretes Tudelak bitartekoak eskuratu beharko ditu baselizan esku hartzeko.
Aldundiak onartu dituen beste laguntzak honako hauek dira:
Hiru dira ebatzitako deialdiak:
Eraikinen lerroa: 3 proiektu lagunduko dira diruz, guztira 85.000 eurorekin.
- Gesaltza Añanako harresia. Zaharberritzea eta balioa agerian jartzea (II. fasea). 60.000 euroko dirulaguntza.
- Aguraingo harresia. Zaharberritze proiektua eta obrak. 12.500 euroko dirulaguntza.
- Bastidako Udaletxea. Fatxada nagusia zaharberritzeko proiektua eta obrak. 12.500 euroko dirulaguntza.
Ermiten lerroa: 4 proiektu lagunduko dira diruz, guztira 75.463,14 eurorekin.
- Legutianoko Magdalena ermita. Proiektua idaztea (II. fasea). 9.951,04 euro
- Otobarrengo Santa Marina ermita. Fatxada barnealdetik berriztatzea. 23.067,06 euro.
- Berganzoko Larreko Ama Birjinaren ermita. Zimenduak sendotzea. 21.204,40 euroko dirulaguntza.
Elementu txikien lerroari dagokionez, 3 proiektu lagunduko dira diruz, guztira 136.000 eurorekin.
- Samianoko errota. Birgaitzeko obrak (II. fasea). 55.974,55 euroko dirulaguntza.
-
Untzako errota. Zaharberrikuntzaren II. faseko obrak. 31.255,46 euroko dirulaguntza.
- Igaiko zubia. Presaz finkatzeko proiektua eta obrak. 48.769,99 euroko dirulaguntza.