Asteartean 24, 35 eta 37 urteko hiru gizonezko atxilotu zituen Ertzaintzak Artziniegako udalerrian. Poliziak deia jaso zuen 14:00ak aldera, ezezagun batzuk saiatzen ari zirelako urbanizazio baten atarian sartzen.
Agenteak bertaratu zirenean, auzokideek adierazi zieten hiru gizonezkoek etxebizitza batean lapurtu zutela eta gero eraikineko atzeko partetik ihes egin zutela. Jarraian ertzainek berretsi zuten etxe bat hankaz gora zegoela.
Soxogutin atxilotuak
Handik gutxira, Ertzaintzak beste dei bat jaso zuen. Izan ere, ezezagunen deskribapenarekin bat egin zuten hiru gizonezko ikusi zituzten herritarrek Soxoguti eta Artziniega lotzen dituen errepidean eta auzokide batek horietako bat harrapatu zuen. Handik gutxira, poliziak 35 urteko gizona atxilotu zuen lapurreta egotzita.
Horren ostean, delituaren beste bi ustezko egileen bilaketa abiatu zuten ertzainek eta Aiaga ibaiko ingurutan topatu zituzten. Poliziak adierazi duenez, guztiek dituzte aurrekariak eta gaur geratuko dira Amurrioko epaitegiaren esku.