Txarriboda egingo dute bihar Artziniega Museoan, hiru urteko etenaldiaren ostean

Aitor Aspuru Saez 2022ko azaroaren 11

Aurreko edizio baten irudia.

Etnografia Museoak azalduko du nola erabiltzen zuten txerria baserrietan, bere gorputzeko atal guztiak baliatzen baitzituzten elikatzeko. Amaieran, txerrikiak dastatzeko aukera emango dute.

Duela hiru urte antolatu zuten azken aldiz txarriboda Artziniega Museoan, modu arrakastatsuan, gainera. Hala eta guztiz ere, COVID-19 birusaren ondorioz, etenaldi luzea egin behar izan dute jarduera horri dagokionez. Baina, azkenik, bihar txerria izango da berriro protagonista Artziniega Museoan.

Izan ere, 12:00etatik aurrera harakin erretiratu batek txerri sakrifikatu bat zatituko du, atal bakoitza zertarako aprobetxatzen den azaltzen duen bitartean. Museoko kide baten laguntzarekin, argituko dute txerriak antzinako gizartean zeukan garrantzia eta nola bere haragia ezinbestekoa zen bizimodua ateratzeko.

Hori ez ezik, lukainken eta odolosteen prestaketen erakustaldia ere egingo dute eta ekintza amaitzean, dastatzeko parada egongo da. Ekintza guztiz doakoa izango da, baina museoko gainerako bilduma ikusteko, bisita kontratatu daiteke aldez aurretik 945 39 62 10 telefono zenbakira deituta.

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide