Hautagaitza errepikatuko du Joseba Vivancok datorren maiatzaren 28an egingo diren udal hauteskundeetan. Artziniegako EH Bilduk bera hautatu du berriro ere koalizio abertzalearen zerrendaburu izateko herrian. Ostiralean egindako batzarrean hartu zuten erabakia. Zerrenda osatuko duten gainerako kideak, aldiz, datozen hilabeteetan zehaztuko dituzte.
Kazetaria da Vivanco ogibidez, eta 2011tik zinegotzi izan da Artziniegako Udalean. 2015eko udal hauteskundeetan zerrenda bozkatuena izan zen berea, baina EAJk lortu zuen alkatetza, PPko zinegotziaren aldeko botoari esker. 2019ko udal hauteskundeetan, aldiz, aginte makila eskuratu zuen Vivancok, EH Bilduren hautagaitzak gehiengo absolutua lortu ostean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
