Artziniegan izango da Athleticeko peñen eguna, klubaren 125. urteurrenean

Aitor Aspuru Saez 2023ko otsailaren 4a

2017an ere jaia antolatu zuten Artziniegan.

Iparraldeko Peñen Elkarteak horrela adostu aste honetan bertan eta ekainaren 10ean izango da ospakizuna.

Artziniegako Peña Tiburonen ardura izango da berriro Athletic Clubeko peñen jaia antolatzea. Horrela erabaki du aste honetan Iparraldeko Peñen Elkarteak (zeinak Euskal Herriko, Kantabria eta Burgoseko jarraitzaile taldeak batzen dituen). Jaia ekainaren 10ean ospatuko da. Aurten futbol klubaren 125. urteurrena da, gainera.

Eskualdeko peñak azaldu dio Aiaraldea Komunikabideari momentuz egitaraua ez dagoela osatuta. "Orokorrean goizean ekintzaren bat egiten da, gero senidetze bazkaria, eta arratsaldean eta gauean kontzertuak edota erromeriak daude. Printzipioz, egitura hori errespetatuko dugu", argitu du kideak.

Horrez gain, Iparraldeko Peñen Elkartearen onespena jaso beharko dute, erakunde horrek finantzatzen baitu eguna.

Aipatu beharra dago ez dela lehenengo aldia izango artziniegarrentzat. Izan ere, 2017an hiribilduak jai bera hartu zuen.

Kirola Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide