Asteburuan jakinarazi du Artziniegako EH Bilduk 2023-2027 lege agintaldirako osatutako zerrenda. Joseba Vivanco izango da alkategaia. "2015eko udal hauteskundeak irabazi genituen; 2019ko udal hauteskundeak irabazi genituen gehiengo absolutuarekin, eta datorren maiatzaren 28an berriro irabazteko taldea dugu", adierazi du koalizio abertzaleak sare sozialetan.
Lehenbiziko postua ez ezik, zerrenda osoa zabaldu dute jada: "Lau urte hauetan lan handia egin dugula uste dugu, zailtasun handiak izan ditugun arren; horregatik, bost zinegotziak errepikatzeaz gain, seigarrenaren bila joan nahi dugu. Prest gaude".
Hau izango da, horrenbestez, udala kudeatzeko proposatutako taldea:
1. Joseba Vivanco
2. Arkaitz San José
3. Miren Lopez
4. Jon García
5. Onintze Elvira
6. Iñaki Cuesta
7. Zuriñe Frutos
8. Unai Gotxi
9. Alazne Lafragua
10. Jonatan Lombraña
11. Idoia López
12. Jose Luis Cebolla
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
