Artziniegako eragile feministek bat egin dute martxoaren 8aren testuinguruan, eta hainbat jarduera egin dituzte. Otsati Feministak eta Artziniegako Talde Feministak argazki erakusketa prestatu dute Toñin Luengas frontoian. Zaintzen inguruko hausnarketak eskatu dizkiete herriko emakumeei, eta horiekin osatu dute erakusketa.
Oso presente egon den gaia izan da zaintza. Izan ere, herriko eragile feministek bat egin dute Euskal Herriko Mugimendu Feministak abiatutako "Denon Bizitzak Erdigunean" dinamikarekin, zaintza sistema publiko-komunitarioa helburu.
Hiriska elkarteak, bere aldetik, bazkaria eta dantzaldia antolatu ditu, Artziniegako beste bi eragile feministekin batu aurretik. Guztiek batera sare bat osatu eta zintzilikatu dute frontoiaren aurrean, "emakumeen saretzea eta batasuna adierazteko".
Argazkiak: Aimar Gutierrez Bidarte, Hiriska elkartea eta Marta C Dehesa
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide