Ekimen berezia iragarri dute Muskerrak elkarteak, Ganzorrotz mendi taldeak eta Artea etnografia elkarteak. "Gure ibai ekosistemetako bioaniztasuna aztertuko dugu, baita gure ibaiek ezkutaturiko kultur ondarea ere", zehaztu dute deialdian. Artziniegatik Soxogutira joango dira, baina Berronesetik ere igaroko dira. Iraupenari dagokionez, 3 orduko txangoa aurreikusi dute, "zailtasun ertaina" izango duelarik. Izan ere, 6.5 kilometroko zirkuitua osatuko dute partaideek.
Artziniegako Udalak begi onez ikusi du egitasmoa, eta elkarteen lana txalotu du: "Eskerrik asko Muskerrak, Ganzorrotz eta Artea elkarteei ekintza polit honetarako elkartzeagatik".
Irteera 10:00etan izango da Toñin Luengas frontoitik, eta doakoa izango da parte hartzea.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
