'Sorioneku' abestia sortu eta bideoklip bilakatu dute Etxebarria aita-semeek, JJ Vaquero umoregilearekin
Izar Mendiguren Cosgaya
2023ko api. 22a, 07:11
Sorioneku abestia plazaratu dute Etxebarria aita-semeek. Trikitilari bikoteak sareratzen duen bigarren bideoklipa da, Lau belaunaldi diskoaren ondotik.
Etxeberria aita seme trikitilariek bideoklip berria plazaratu dute. Hain zuzen, Sorioneku kanta aurkeztu dute espazio digital guztietan. Spotifyn, Youtuben eta beste sare sozialetan zabaldu dute jada.
Aitortu dutenez, martxoaren amaieran grabatu zuten ikus-entzunezkoa Valladoliden: "JJ Vaquero espainiar bakarrizketagile ospetsua da protagonista, eta Jesus 'Beltza' ahaztu gabe, elkarrekin barre eginaraziko digute Euskal Herrian zein ezagunak garen gogorarazten digun istorio honetan".
"Gure lurraldean oharkabean pasatuko ez den abesti bat da Sorioneku"
Azpimarratu dutenez, hainbat komedia aurkituko ditu ikus-entzuleak "gauza herrikoi asko gogoratuko dituztenak, umore ukituarekin, baina garrantzia ahaztu gabe".
Etxebarriatarren hitzetan, "oso indartsua eta polita, baina batez ere, gure lurraldean oharkabean pasatuko ez den abesti bat da Sorioneku". Horrez gain, bi teaser osatu dituzte, kantuaren zabalpena sustatzeko:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
