Aitor Estebanek Artziniegako hauteskunde kanpainan parte hartu zuen ostiralean

Aitor Aspuru Saez 2023ko maiatzaren 22a
Deskargatu Info Ahotsak :

EAJko bozeramaileak eta Irma Basterra Lurralde Orekako Diputatuak hiribildua bisitatu zuten ostiralean.

Hauteskunde kanpainako egun berezia izan zuten jeltzaleek ostiralean Artziniegan. Izan ere, haurrentzako jarduera antolatu ez ezik, bisita berezia izan zuten.

Hain zuzen, hiribildura bertaratu ziren Aitor Esteban EAJko bozaremailea Madrilgo Kongresuan eta Irma Basterra Lurralde Orekako Diputatua. Hango txoko adierazgarrienak ezagutu ez ezik, kanpainan ere parte hartu zuten eta herritarrekin mintzatu ziren.

Estebanek azpimarratu zuen EAJren aldeko boto-papera hautestontzian jartzearen garrantzia, "alderdi eraginkorra delako eta herriei aurrera eginarazi dielako".

Artziniegako jeltzaleek "luxutzat" jo zuten Estebanen zein Basterraren egonaldia, "politikan erreferente direlako eta babesa eskaini digutelako".

Argazkiak: EAJ

Politika Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide