EH Bildu izan da zerrenda bozkatuena Artziniegan, 2023ko udal hauteskundeetan. 2019an lortutako gehiengo osoa berretsi eta zinegotzi bat gehiago irabazi du koalizio abertzaleak. Joseba Vivanco izango da, beraz, udalerriko alkatea berriz ere.
Vivancok emaitzen "oso balorazio positiboa" egin du. "Lau urtez udal gobernuan egon ostean hauteskunde hauek azterketa bat bezalakoak ziren guretzat. Herritarrek euren konfiantza eman digute berriro ere, 2019ko hauteskundeak nabarmen hobetuz".
Botoen %100 zenbatuta, PPk ordezkaritza galdu du Artziniegako Udalean, eta hori ere "garaipentzat" jo du Vivancok. "40 urteren ostean, PP udaletik bota dugu, eta baita EAJ oposizioan mantentzea lortu ere".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
