Karpy ibilaldiaren V. edizioa ospatuko dute asteburu honetan eta parte-hartzaileen artean Marino Lejarreta egongo da. Berrizeko txirrindulari profesional ohiak Giro eta Tourreko etapak irabazi zituen eta igandean Artziniegara joko du ibilaldi ez lehiakorrean aritzeko.
Izan ere, La Karpy egitasmoaren helburua da Licor Karpy talde profesional desagertua gogoratzea eta bizikleta klasikoekin (1985ekoak beranduenez) ibilaldia egitea, garai horretako arropa jantzita.
Ekintza horrez gain, hainbat jarduera gauzatuko dituzte. Esaterako, gaur Alfredo Cerrillo txirrindularitza museoa bisitatuko dute Amurrion eta bihar Artziniegan 19:00etan batuko dira herrigunetik ibilaldia egiteko, Goiko Plazatik abiatuta.
Egitarau gehiena, edonola ere, igandean izango da. Ibilaldia 09:00etan hasiko da, azoka egingo dute Garai plazan 11:00etan eta 14:30ean herri bazkaria.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
