Bi egunez luzatu ziren Erretes Tudelako jaiak. Larunbat goizean abiatu zuten egitaraua, jaietako maskota den 'Etilico.com' panpinaren igoerarekin. Ondoren, haurrentzako puzgarriak eta herri kirolen erakustaldia egon ziren herriko plazan. Aizkora eta harri-jasotze erakustaldia eskaini zuen Ioritz Girasolek dozenaka lagunen aurrean.
Dena den, herritarrak ez ziren ikusle hutsak izatera mugatu. Askok su artean igaro zuten goiza, gastronomia txapelketetarako tortilla eta paellak prestatzen. Eguerdian, aldiz, hainbat lagun animatu ziren igel-txapelketan aritzera, eta 14:45ean banatu zituzten norgehiagoka guztietako sariak.
Arratsaldean, aldiz, parranda giroa nagusitu zen herrian, alboradarekin, magia ikuskizunarekin, Partymanen emanaldiarekin, bingoarekin eta diskofestarekin.
Igandean xumeagoa izan zen egitaraua: bermut dantza eta herri bazkaria egin zituzten mezaren ostean, eta arratsaldean erre zuten 'Etilico.com', festari amaiera emateko.
Argazkiak: Artziniegako Udala
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide