Ekitaldi xume batekin gogoratu dute Teo Zelenyi gaztea Artziniegan

Aimar Gutierrez Bidarte 2023ko azaroaren 3a
Deskargatu Info Ahotsak :

Asteartean zendu zen Teo Zelenyi hamaika urteko artziniegarra. Udalak hiru dolu egun deitu ditu herrian, eta gaur elkarretaratze isila egin dute gaztearen memoria omentzeko.

Teo Zelenyi gaztearen omenezko ekitaldia egin dute gaur arratsaldean Artziniegako Toñin Luengas frontoian. Hamaika urteko gaztea bat-batean zendu zen, herriko Gau Beltzaren ospakizunetan murgilduta zegoela. Samina eragin du Teoren heriotzak herrian. Udalak hiru dolu egun deitu ditu azaroaren 2tik hasita, eta haurrentzako jarduera guztiak bertan behera utzi dituzte.

Gaur elkarretaratze isil batekin omendu dute Teo Zelenyiren memoria. Jendetza elkartu da Toñin Luengas frontoian, Artziniegako Barratxi Guraso Elkarteak Teoren omenez sorturiko irudiaren inguruan. Joseba Vivanco alkateak hitz egin du Udalaren izenean, ekitaldira bertaratutako guztiei eskerrak emanez, eta gaztearen senide eta lagun guztiei elkartasuna adieraziz. Txalo zaparrada luze batekin eman diote amaiera bost minutuko isiluneari.

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide