2024ko aurrekontuak osatzeari ekin dio Artziniegako Udalak, eta herritarren parte hartzea sustatu nahi du horretarako. Gaur bertan egin dute gaia lantzeko bilera irekia. Datorren urterako aurreikusitako ekimenak aurkeztu dituzte bertan, bizilagunen inpresio eta ekarpenak jasotzeko.
Honako ekimen hauen gaineko iritzia eskatu die Udalak herritarrei, besteak beste:
- Kultur Etxearen barrualdea amaitu eta egokitu
- Bideetako sasi-garbiketen maiztasuna handitzea
- Bide publikoak irekitzen jarraitzea
- Arteko landako azken "etxola" askaldegi estali gisa prestatzea
- Adinekoentzako Eguneko Arreta Zentro berria (CRAD) gauzatzen hastea
- Argi berriak jarri behar diren lekuetan jartzea
- Bideak hobetzen eta konpontzen jarraitzea
- Usoak harrapatzeko plana egitea
- Udalerrian zuntz-zementua egoteari buruzko inbentarioa egitea
- Udalerriko energia eta klima plana egitea
- Axpe-Hormaza espaloiak konpontzea
Dena den, bilerara bertaratzerik izan ez duten herritarrek ere aukera izango dute euren iritzia plazaratzeko, Internet bidezko galdetegia jarri baitu tokiko erakundeak bizilagun guztien eskura. Hemen ikusi eta bete daiteke formularioa.
Paperean betetzeko aukera ere egongo da. Horretarako, galdetegiaren kopia fisikoak jarri dituzte Udaletxean zein udal liburutegian, bertan bete eta uzteko.