Emakume bidaiariak izan ziren topaketen protagonistak. Artziniegako Berdintasun zinegotziak, Kuadrillako presidenteak eta Arabako Foru Aldundiko Berdintasun Zuzendariak aurkezpena egin ostean, bidaiatzeko eredu ezberdinetan buru-belarri sartu ziren parte hartzaileak.
Josune Muñozek, hainbat urtez eskualdeko irakurketa klub feministak kudeatuko dituen adituak, emakume bidaiariak literaturan izandako presentzia izan zuen hizpide, antzinakoak zein garaikideak. Emakumeen begirada eta bidaiatzeko arrazoiak jorratu zituen eta atsedenaldia egin zuten gero.
Artziniegako emakume migratuek tea eskaini zuten orduan eta gero Zuriñe Hidalgo aurkezle eta abeslariak Enraizadas proiektuaren nondik norakoak argitu zituen telematikoki. Bere egitasmoaren helburua da emakumeak bakarka edo taldeka bidaiatzea, sororitatea bultzatuta.
Jarraian, euren bizipenak azaldu zituzten Artziniegako emakume etorkine: zergatik etorri ziren Aiaraldera euren egoera hobetzera, nolakoa izan zen bidaia eta nolakoa den orain etxera itzultzea.
Azkenik, Yolanda Muñozen txanda heldu zen. Emakume horrek Asiara eta munduko hainbat txokora jo du bizikletaz eta zenbait aurreiritzi gezurtatu zituen, bakarrik bidaiatzerako orduan emakumeentzako mugak direnak. Hala, mundua ezagutzera joatera animatu zituen ikusleak, zuhurtasuna eta gutxieneko segurtasun neurriak ezarrita.
Amaitzeko, Bea Egizabal Ollokiegi pailazoak eduki guztien laburpena egin zuen, umoretik tiraka.
Argazkiak: Aiarako Kuadrillako Berdintasun Saila