Artziniegako jakirik ezagunena da odolostea. Hori dela eta, Artziniegako Odoloste Pintxo Lehiaketa antolatu dute Udalak eta merkataritza elkarteak elkarlanean. Iragan azaroaren 12an abiatu zuten lehiaketa, baina datozen asteburuetan ere aukera egongo da odoloste pintxoak dastatzeko. Hain zuzen ere, azaroaren 19an, 26an eta abenduaren 2an herriko tabernek lehiaketako pintxoak aurkeztuko dituzte haien barretan.
Orotara sei taberna batu dira lehiara: Batzokia, La Encina, La Villa, Ostargi, Pirineum eta Igerilekutako taberna. Herritarrak izango dira lehiaketako epaileak, sei taberna horietan aurkituko dituzten balorazio txartelak betez. Pintxoaren zaporea eta aurkezpena izango dira aldagai puntuagarriak. Gainera, 50 euroko hiru sariren zozketa egingo da parte hartzen duten bizilagun guztien artean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
