Kalean bizi diren pertsonentzako lo-zaku, manta, esterilla eta motxilak bilduko dituzte Artziniegako Udaletxean

Txabi Alvarado Bañares 2023ko abenduaren 9a
Deskargatu Info Ahotsak :

Kalean lo egiten duten pertsonei laguntzea izango da ekimenaren xedea. / Jorge Paris (Argia)

Bilbon jarduten duen Izangai elkarteari emango diote biltzen duten material guztia. 

Lo-zaku, manta, esterilla eta motxila bilketa egingo dute abenduan zehar Artziniegako Udaletxean. Udalak sustatu du egitasmoa, Otsati eta Izangai elkarteekin batera.

Bilbon jarduten duen irabazi asmorik gabeko taldea da Izangai, eta bazterketa egoeran edo horren arriskupean dauden pertsonei laguntzea du helburu. Hainbat proiektu eta azpiegitura ditu horretarako: bi eguneko zentro, lan formaziorako tailer bat, babespeko etxebizitza batzuk edota oinarrizko beharrizanak asetzeko proiektu bat. 

Baina, baliabide guzti horiek izan arren, elkarteak ez du gaitasunik bere jardueretan parte hartzen duten pertsona guztien oinarrizko beharrizanak asetzeko. "Une honetan horietako asko kalean lo egiten ari dira, ez dutelako tokirik udal aterpeetan", jakinarazi dute bilketaren antolatzaileek. Horregatik egingo dute Artziniegako ekimena, pertsona horiek "ahalik eta hotz gutxien" igaro dezaten neguan zehar. 

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide