Artziniegako EAJk bi mozio aurkeztu ditu apirileko Udal Osoko Bilkuran lantzeko. Batean iradoki du hiribildua Iberiar Penintsulako Erdi Aroko Hiri eta Hiribilduen Sarean sartzea. Encina Castresana taldeko bozeramaileak azpimarratu du hori baliagarria izan daitekela turismoa erakartzeko eta hiribilduaren nortasuna bera indartzeko.
Hori dela eta, jeltzaleek proposatu dute dirua bideratzea sare horretan inskribitzera eta aurtengo kuota ordaintzera.
Igerilekuen txosten teknikoa
Bestalde, EAJk eskatuko du igerilekuen egoerari buruzko txosten tekniko eguneratua egitea. "Bi hilabete falta dira denboraldia hasteko eta ezinbestekoa da jakitea nola dagoen egoera, neurri zuzentzaileak hartzeko", argitu du Encina Castresanak.
Horrez gain, jeltzaleen aburuz, eta igerilekuen adibideari helduta, kontratazioen jarraipen xeheagoa egin behar da, epeen eta eginkizunen aldetik, bereziki.
Horrez gain, EAJk gogoratu du aurreko udalbatzan Arteko zelaiko komunen irekiera eta mantenua sustatzeko mozioa ere aurkeztu zuela.