Ostiralean hasiko da Garai Plazako erloju-dorreko fatxada apainduko duen irudia hautatzeko bozketa fasea

Aitor Aspuru Saez 2024ko maiatzaren 15a
Deskargatu Info Ahotsak :

Irudi hau ordezkatuko dute diseinu berriarekin. / Artziniegako Udala

Epaimahaiak erabakiko du zeintzuk diren hiru finalistak. Ostiralean erakutsiko dituzte eta bozketarako tartea irekiko da astelehenean.

Artziniegako Udalak Garai Plazako erloju-dorreko fatxada apainduko du aurki eta irudi lehiaketa abiatu zuen horretarako. 25 proposamen jaso ondoren, epaimahai batek hautatuko ditu finalistak. Honako pertsona hauek arituko dira epaile lanetan: Alejandro Quincoces, Teresa Lafragua, Aintzane Iturribarria, Alberto Martinez Gutierrez-Barquin eta Kultura batzordeko zinegotziak diren Miren Lopez eta Eduardo Villanueva.

Lan horiek udal liburutegian egongo dira ikusgai ostiraletan eta 16 urtetik gorako artziniegarrek (hau da, herrian erroldatutakoek) bozkatu ahal izango dute gogokoen dutena, maiatzaren 24ra arte.

Herritarren bozek erabakiaren %30 balioko dute eta gainerakoa epaimahaiaren eskumena izango da. Maiatzaren 30ean jakinaraziko dute zein izan den irudi hautatua.

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide