33 parte hartzailek jarri diote kolorea Artziniegako Margo Lehiaketari

Erredakzioa 2024ko maiatzaren 20a
Deskargatu Info Ahotsak :

Lau sari eta bi aipamen berezi banatu zituzten topaketan. Umeen kategorian, aldiz, 73 haurrek hartu zuten parte. 

Sasoi onean dago Artziniegako Margo Lehiaketa. Atzo egin zen topaketaren XXVI. edizioa, eta 33 partaide egon ziren guztira. Artistak herrian barrena barreiatu ziren koadroak margotzeko, eta gero frontoian jarri zituzten ikusgai lan guztiak. 

Lau sari banatu zituzten orotara. Epaimahaiak erabaki zituen lehen hirurak, eta herritarren bozken bidez erabaki zen laugarrena. Horrez gain, ohorezko bi aipamen ere eman zituzten. 

Hauek izan ziren irabazleak postuz postu:

  1. Ricardo Azkargorta
  2. Iker Mugarda
  3. Leticia Gaspar
  4. Abel Florido
  • Ohorezko aipamenak: Julio Gomez eta Eduardo Alsasua

Antolatzaileek nabarmendu dute Espainiako Estatuko hainbat probintzietatik bertaratu zirela margolariak atzoko zitara. Gainera, are jendetsuagoa izan zen umeen marrazki topaketa. 73 haurrek parte hartu zuten, hiru kategorietan, eta hiru opari zozkatu zituzten guztien artean. 

Argazkiak: Miguel Brizuela eta Artziniega Museoa

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide