Abuztuaren 3an emango diote hasiera aurtengo Musika Klasikoa Araban zikloari. 2011z geroztik, Arabako Foru Aldundiak Donostiako Musika Hamabostaldiarekin lankidetzan antolatzen du emanaldi sorta hau, eta antolatzaileen aburuz, elkarlan horrek erabat bermatzen du musikarien kalitatea.
Lehenengo kontzertua Artziniegan izango da, abuztuko lehen larunbatean, hilaren 3an, arratsaldeko 19:00etan. Jasokundeko Andra Mariaren elizan egingo da emanaldia, eta sarrera doakoa da, tokiak bete arte. Bertan, Ander Perrino kontrabaxu joleak eta German Ormazabal pianistak Bach, Herti, Rachmaninov eta Lorcaren lanak interpretatuko dituzte.
Emanaldi horren ostean, beste bostek hartuko dituzte Arabako herriak: Sarria, Lagran, Eltziego, Zalduondo eta Quintanilla Erriberabeitiara ere helduko da musika klasikoa. Abuztuaren 11an, 20an, 25ean, 27an eta 30ean izango dira kontzertuak, hurrenez hurren.
Hemen kontsultatu daiteke emanaldien informazio xeheagoa, hala nola, interpretatzaileak eta joko dituzten obrak, edo kontzertuen ordutegi eta kokapenak.