Artziniegako playback lehiaketak herritarrak txunditu ditu beste urte batez

Maider Ramirez Martin 2024ko irailaren 1a
Deskargatu Info Ahotsak :

Bart egin zuten Artziniegan XII. Playback Lehiaketa eta, dagoeneko ohikoa den bezala, maila altuko ikuskizunak eskaini zituzten talde parte-hartzaileek. Garai bateko eta besteko musika eta dantza eraman zuten oholtzara, ukitu umoretsuaz betiere.  

Ume talde batek eman zion hasiera hitzorduari, itsas-munduarekin lotutako mash up baten doinuekin. 

Helduen kategorian, Las Vakitas de Orio izan zen garaile. Gaueko azken ikuskizuna izan zen haiena, eta 2000ko hamarkadako telesailen abestiak interpretatu zituzten. 2. saria, Alkatuki kuadrillak eraman zuen, Andaluziako feria Artziniegara eraman ostean. 3. postua Prakanasaiak kuadrillarentzat izan zen. Azken hauek urteko abestirik entzunenekin dantzan jarri zuten hiriko atera bertaratutako jendetza. 

Artziniegako jaiek ez dute etenik, eta datorren igandera arte luzatuko dira. Hemen ikus daiteke egun hauetako egitaraua. 

Argazkiak: Maider Ramirez Martin

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide