Artziniegako Museoa bere 40. urteurrena ospatzen dabil aurten, eta horri gehitu behar zaio hilabete honetan Ondarearen Europako jardunaldiak direla. Hori dela eta, Sare ekonomiko zirkularra erakusketa eta tailerra egingo dituzte asteburu honetan.
Erakusketaren inaugurazioa gaur, ostiralean, izango da 19:30ean. Larunbatean, urriaren 12an, berriz, erakusketara bisita eta tailerra egingo dituzte, 12:00etan. Dohainik izango da baina, plaza mugatuak daudenez, izena eman beharra dago parte hartzeko.
Ekonomia zirkularraren kontzeptua idatziz 1989an agertzen bada ere, Artziniega Museoan ordurako jada praktikatzen zen, bertako objektuak berreskuratzen eta bizitza berria ematen hasi zirenean.
Artziniega Museoan islatu diren antzinako bizimodua 7 'R'-en ekonomia zirkularrean oinarrituta zegoen: (rediseñar, reducir, reutilizar, reparar, renovar, recuperar y reciclar). Hau da, birdiseinatu, murriztu, berrerabili, konpondu, berritu, berreskuratu eta birziklatu. Horren bitartez, pertsona guztiek ingurumena zaindu eta, aldi berean, ekonomia sustatu dezakete.