Txarriboda hezur haragitu dute Artziniega Museoan

Erredakzioa 2024ko aza. 23a, 20:00
Deskargatu Info Ahotsak :

Txerria nola zatikatzen den erakutsi diete bertaratutakoei, eta txerrikiak egin dituzte jarraian, unean bertan dastatu ahal izateko. 

40. urteurreneko ospakizunetan murgilduta dauden arren, Artziniega Museoko kideek ez diote urtero egiten dituzten jarduerak antolatzeari utzi. Horren adibide izan da asteburu honetako Txarriboda. Atzo hitzaldia egin zuten ekimen horren nondik norakoak azaltzeko. Gaur, aldiz, hitz egindakoa egitera pasatu dira.

Txerria zatikatu dute lehenbizi, eta lortutako haragiarekin txerrikiak (txorizoak, odolosteak...) egiten hasi dira gero, bisitariei prozesu osoa erakusteko asmoz. Nabarmendu dutenez, "ekonomia zirkularraren adibide argi bat" izan da beti txerriaren hilketa eta bere haragiaren ustiaketa, eta hori nabarmendu nahi izan dute gaurko erakustaldian. Bukatzeko, ekoiztutako txerrikiak dastatzeko aukera eman diete bertaratutako guztiei. 

Gaurkoarekin, amaierara iristen ari da Artziniega Museoko aurtengo egitaraua. Datorren ostiralean izango dute urteurrenari lotutako azken ekitaldia, Paki Ofizialdegik iragarri duenez:

Argazkiak: Paki Ofizialdegi eta Txabi Alvarado

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide