Artziniegako arteak ez du lortu 2025eko Zuhaitza izatea, Abengibreko (Albacete) pinuari egokitu baitzaio ohore hori. Izan ere, 6.013 lagunen babesa eskuratu du Abengibreko zuhaitzak.
Dena den, Artziniegako arteak harro egoteko moduko partaidetza izan du, 4.134 boza bildu baititu orotara. Hau da, bigarren sailkatu da eta hurrengoak baino nabarmen babes handiagoa izan du.
Zehazki, Huelvako pinuak 2.348 boto izan ditu, Teruelgo karraskak 745, Cornallanako haritzak 726, Peracenseko karraskak 643, Puentenansako erkamentzak 611, Segoviako soforak 544, Coyako haritzak 445 eta Foz Calandako karraskak 214.
Aipatu beharra dago artziniegarrek kanpaina oso aktiboa egin dutela hiribilduko artearen alde eta hori bistakoa da, zuhaitzaren bozek herritar erroldatuen kopurua bikoiztu baitute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
