Antzinako Azokako antolatzaileek aurreratu dute 2025eko edizioa irailaren 20an ospatuko dutela. Iazkoa arrakasta handia izan zuenez, aurten erronka handia izango dute hori hobetzeko.
Berez, egitasmoaren lehenengo hitzordua 1998an abiatu zuen Artziniegako Museoak eta geroztik gorabeherak izan ditu bere antolakuntzak. Edonola ere, beti izan da azpimarratzekoa herritarren parte hartzea ikusle zein alde zaharra girotzeko lanetan.
Horrela, hainbat ekoizle, saltzaile eta artista bertaratzen dira hiribilduan, baina antzinako ogibideak berpizten dituztenak edo mozorrotzen direnak bazter guztiak koloreztatzeko, artziniegarrak eurak dira.
Azken urteetan boluntario lanak osatzeko, enpresa baten laguntza izan dute antolatzaileek, ikuskizunak edota erakusketak erakartzeko, besteak beste.
Berez, erabaki hori 2022an hausnarketa prozesua abiatu ondoren hartu zuten. Elkarteen, ostalarien eta ordezkari politikoen artean deliberatu zuten enpresa batek kontratatzea kale animazioa eta beste zenbait alderen ardura.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
