Cherra Ortega muralgile madrildarrak irabazi du Artziniegako II. Mural Lehiaketa, La Fragua proposamenarekin. Lehiaketaren bi edizio antolatu ditu Udalak, eta Ortega izan da garaile bietan. Izan ere, berea da Erlojuaren Dorreko hormetan, udal frontoiaren ondoan, ikusgai dagoen horma irudia.
Oraingoan, bai epahaimahai teknikoaren eta baita herritarren boz gehienak eskuratu ditu bere proposamenak, eta 5.000 euroko saria lortu du. Datozen asteetan (ekainaren 9tik 28ra), ibiliko da Ortega proposatutako irudia Barrenkalen aukeratutako fatxadan islatzen, Pablo Respaldizaren sutegiaren ondoan.
Zehazki, 516,7 bozka jaso ditu La Fragua proposamenak. Bigarren puntuaziorik onena (431) Alejandro Cristinok lortu du 'Sutondoan' lanarekin. Hirugarrena, aldiz, Jose Guillermo Sanzen Impulso y mano, fuelle y martillo proposamena izan da, 416,5 botorekin.
Irabazleaz gain, parte hartzaile guztiak, epahaimaia eta herritarrak zoriondu nahi izan ditu Udalak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
