Mendieta Elkarteak antolatzen duen kontzertu zikloa IV. ediziora heldu da jadanik, eta uztailaren 11ra arte ez du etenik izango. Guztiak hasiko dira 20:00etan, uztailaren 6ko kontzertua izan ezik, 13:00etan egingo baita, 'matinéa' egingo baitute.
Kontzertuak honako hauek izango dira:
- Ekainaren 20a: Magna Boskotea. Moldatzaile handiei omenaldia. Gasteizko taldeak hainbat jaialditan jo du, Euskal Herrian bereziki.
- Ekainaren 28a: Concerto 1700. Back to Follia! Talde honek XVII. eta XVIII. mendeetako lan hispanoak berreskuratu ditu.
- Uztailaren 4a: Juan Laboreria & Carmen Santamaria. Abesti errezitaldia. Kamarako musika erakustaldia izango da. Laboreriak hainbat orkestra eta operatan abestu du eta Santamariak nazioarteko lanak ere egin ditu.
- Uztailaren 6a: Misaki Pascual. Piano fantasia. Pascualek 20 sari baino gehiago ditu eta nazioarteko proiekzio handia dauka.
- Uztailaren 11: Collegium Musicum Madrid. Maria Espada & Manuel Minguillon. Il piano della Madonna. Maria Espadak nazioarteko areto garrantzitsuenetan jo du Berlinen, Austrian edota Madrilen eta Minguillon ere Australian edota Estatu Batuetan ere aritu da.
Jarduera bakoitzeko sarrerak 7 euro baino ez du balio eta bonoak 35 euro. Dena den, Aiaraldea Komunikabideak bono bikoitza zozkatuko du hemen, geratzen diren kontzertuak ikusteko.