Nazioarteko ospea duten artistek itxiko dute gaur Artziniegako IX. Kontzertu zikloa

Aitor Aspuru Saez 2025eko uztailaren 11

Maria Espadas eta Manuel Minguillon.

Mendieta Kultur Elkarteak antolatutako emanaldi sorta gaur amaituko da Arteko Gure Amaren Santutegian.

Collegium Musicum Madrid taldeak eskainiko du gaur Artziniegako IX. Kontzertu Zikloko azken emanaldia. Manuel Minguillon musikariak eta Maria Espada sopranoak osatzen dute proiektua eta Il pianto della Madonna lana joko dute, XVII. mendeko konpositore sakro italiarren abestiekin. Horrela, Claudio Monteverdi, Giovanni Felice Sances, Alessandro Grandi edota Tarquinio Merula egileen sorkuntzak entzun ahalko dira.

Hitzordua 20:00etan izango da Arteko Gure Amako Santutegian eta sarrerak zazpi euro balioko du.

Bi musikariak ezagunak dira nazioartean. Maria Espadas, adibidez, atzerriko orkestra ugarirekin aritu da: Royal Concertgebouw Orchestra, BBC Philharmonic Orchestra, Munich Philharmonic Orchestra, Netherlands Radio Chamber Philharmonic, Hungariako Irratiko Orkestra, Il Giardino Armonico, Venice Baroque Orchester, Orchestra of the 18th century, Les Talens Lyriques, I Barocchisti, La Cetra, L’Orfeo Barockorchester, “Al Ayre Español" Helsinki Baroque Orchestra...

Mendieta Kultura Elkarteak antolatu du aurtengo egitasmoa berriro eta, aurreko edizioetan egin bezala, genero berdintasuna eta musika aniztasuna baliatu dituzte egitaraua prestatzeko.

Mendietaren helburua da musika mota anitzak zabaltzea, musikariei bide profesionala egiteko tartea eskaintzea kontratazio bidez eta herriko ondare kultural, natural eta historikoa babestea, ezagutarazita.

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide