Artziniegako Museo Sakratuko arduradunek jakinarazi dute asteburuan berriro irekiko dituztela eraikinaren ateak. Izan ere, azken hilabeteetan bilduma osatzen duten ehunka elementuak egokitu eta birmoldatu dituzte. Lan horien helburua izan da biltegi hutsa izatetik benetako museo erreferente bilakatzea.
Museoko kideek aipatu dute barruan topatu ahalko dela hiribilduaren erlijio herrikoiaren historia, bai Arteako Santutegiarena zein tokiko eliza eta baselizena.
Berez, museoak azpimarratu du iraganean Arteako Santutegiak jarraitzaile ugari izan zituela eta Kantauriko Lourdes gisa ezagutzen zutela. Ikusi daitezkeen piezen artean 1668ko marinelen testua azpimarratu dute, Arabako bakarra.
Guztira 600 pieza inguru ditu bildumak eta horien artean daude santutegiko erloju zaharraren mekanismoak edota Clemente VIII. aita santuak Arteako Santutegira 1745ean bidalitako eskutitza. Museoak, hain zuzen, azpimarratu du jarraitzaile ugari zituela Arteako Ama Birjinak Bizkaiko kostaldean, baita gurutzadetan parte hartu zuten hainbat kideren artean ere.