Artziniegako Antzinako Azokako Batzordeak egitarau osoaren berri eman du. Irailaren 20an prestatuko duten XXVI. edizioak ekintza zerrenda izugarriarekin hartuko du Alde zaharra.
Honako jarduera hauek beteko dute eguna:
11:00 // Pregoia irakurri eta azoka zabaltzea Hiriko Atean. Dama, zaldun, bufoi, titiritero, pikaro, handiki, abade eta hainbat pertsonaia aterako dira kalera.
11:10 // Builaka batukadako danborrek, Ixerako gaitek, Turdion eta Grimoriumen musikak eta gorteko musikariek Uriko kaleak alaituko dituzte etengabe.
11:30 // Alkimia erakustaldia Hiriko Atean, Magia Oliver eta Liubarekin Goiko Plazan eta Galenoek izurriaren ondorioak azalduko dituzte.
12:00 // Ezpata-forja dorrearen aurrean.
12:15 // Uriko andereek euren burukoak erakutsiko dituzte Goiko plazan.
12:30 // Ardien ile mozketa Artekale Plazan, antzerkia basoko jaunekin eta magia erakustaldia Oliver eta Liubarekin Hiriko Atean.
13:00 // Erdi Aroko dantzak Artekaleko plazako Gerlen Kanpamenduan, alkimia erakustaldia Hiriko Atean, haurren bataila parte-hartzailea Barrenkaleko Erdi Aroko kanpamentuan eta ondoren bisita.
13:15 // Hainbat adarren deiadarra, eleiz ondoan.
13:30 // Ipuin kontalaria Artekale plazan eta ezpata-erakustaldia Artekale plazako kanpamentuan.
14:30 // Magia erakustaldia Oliver eta Liubarekin Artekale plazan.
15:00 // Ondo jateko eta ahora ederto gozatzeko ordua. Tabernariek eskaintzen dituzten jakiak dastatu ahalko dira, bereziki Villa, Ostargi-Koba, Batzoki eta Pirineum-en.
17:00 // Builakako danborrek, Ixerako gaitek, Turdion eta Grimoriumen musikak eta gorteko musikariek Uriko kaleak alaituko dituzte etengabe.
17:30 // Artzainak ardien ilea moztuko du Artekale plazan, alkimia erakustaldia egongo da Hiriko Atean eta gorteko komedianteak Uriko kaleetan zehar ibiliko dira.
18:00 // Errementariak ezpata bat egingo du berriro alkaide jaunaren dorrean.
18:30 // Magia ikuskizuna Goiko plazan eta ezpata erakustaldia Artekale plazan.
19:00 // Alkimia erakustaldia Hiriko Atean, ipuin kontaketa Artekale plazan eta txotxongilo antzerkia Goiko plazan.
19:30 // Erdi Aroko dantzak Artekaleko plazako gerlen kanpamenduan eta gerlari garaituen paseoa.
20:00 // Merkatarien azken eskaintzak Builakako danborren, Ixerako gaiten, Turdion eta Grimoriumen musikaren eta gorteko musikarien erritmoan.
21:00 // Kaleko musikariek danbor eta su ikuskizunekin eguna itxiko dute Goiko plazan.
Hori guztia gutxi balitz, antolatzaileek ziurtatu dute hurrengo ekimenak ere izango dituztela:
- Pablo Respaldiza Arratiaren sutegia bisitatu eta lehengo lanbideak ezagutu ahal izango ditugu Barrenkalen Arteari esker.
- Tokiko dirua egingo da alkaidearen dorrean.
- Orkoen eta beste mundu batzuetako izakien bisitak. Kontuz haiekin gurutzatzearekin!
- Aurpegi margoketa, olgetak eta haurtzaindegia Artekaleko “Seinaren Txokoan”.
- Erdi Aroko olgetak Artekaleko plazako gerlen kanpamenduan.
- Artilea iruntzearen erakustaldi kantatua eta artaldea Artekale plazan.
- Artisauek euren lanbideak irakatsi eta sorkuntzak erakutsiko dituzte.
- Uriko kaleetatik ibiliko dira ospe txarreko jendailak, legendunak, zorrotzaileak, urketariak, dama eta zaldunak.