Larunbatean hitzordu berezia izan zuten Artziniegako Kultura Etxean, ospatzeko hurrengo ikasturtean Helduentzako Hezkuntza Eskola inauguratuko dutela. Berez, zerbitzu horren agerpena ez da kasualitatearen fruitu eta ahalegin luze eta jarraituaren emaitza izan da.
Hori aitortzeko Gizarte Politiketako eta Giza Eskubideetako Saileko zuzendaria Joana del Hoyok, Arantza Cañamares foru teknikariak, udal ordezkariek, Aiaraldeko Kuadrillako berdintasun teknikariak eta hainbat elkarteko kideek (Bidaya, Loturak Emakumeok...) parte hartu zuten topaketan.
Berez, jardunaldian proiektuaren ibilbidearen historikoa egiteko irudikatzeko antolatutako ekintzen argazkiak proiektatu zituzten: kultura-trukea, bizilagunak, UNED online ikastaroa liburutegian, ibilaldiak, bilerak...)... Eta bideo emanaldia ere egin zuten.
Ondoren, Loturak Emakumeok proiektuari buruz aritzeko hartu zuen hitza kideetako batek eta Arantza Cañamares eta Naia Cambrero teknikariek aitortza diplomak eman zizkieten proiektuan egondako emakumeei.
Bukatzeko jatorri eta gastronomia ezberdinetako errezetak dastatu zituzten.
2017tik lanean
Arestian argitu bezala, Helduentzako Hezkuntza Eskola irekitzeko lan handia egin dute 2017tik. Hasieran emakume migratuentzako erdarazko eskolak izan ziren. Lehen urrats horiek parrokiako boluntarioen bitartez egin zituzten.
Geroago, 2019an, Arabako Foru Aldundiko Gizarte Politiketako eta Giza Eskubideetako Sailaren (AFA) eta Aiaraldeko Kuadrillaren laguntza heldu zen, kulturartekotasunari buruzko programen bidez.
50 emakumek parte hartu dute ekimenean eta Bidaya Emakume Musulmanen Elkartearen babesa izan zute, baita ZEHAR Euskadikoa ere. Azkenean, iaz eratu ziren formalki eta Helduentzako Hezkuntza Eskola zerbitzua hartzeko eskari ofiziala egin zuten.
Argazkiak: Encina Castresana