Sopeñako errege bidean barrena txangoa egin dute Artziniegako gazteek

Erredakzioa 2026ko azaroaren 12a

Taupada Gazte Elkarteak antolatuta, Sopeñako errege bidean barrena txangoa egin zuten iragan azaroaren 7an. Igande honetarako zineforuma prestatu dute.

Gorobel mendilerroaren magalean barrena txangoa egin zuten Artziniegako gazteek iragan azaroaren 7an. Taupada Gazte Elkarteak antolatuta, 17 kilometroko txangoa prestatu zuten Sopeñako errege bidetik.

Datorren abenduan egingo duten Soxoguti erronkari begira "hankak berotzeko" aitzakiarekin egin zuten larunbateko irteera, eta gazte elkarte sortu berriak antolatzen duen lehenengo ekintzetako bat izan zen.

Igandeetan zineforuma

Mendi ibilaldia ez da Taupada elkarteak hilabete hauetan antolatuko duen ekintza bakarra. Izan ere, igandeetan zinema emanaldiak eskaintzeari ere ekin diote.

Iragan azaroaren 8an egin zuten aurreneko emanaldia eta igande honetan, azaroak 15, zineforuma egingo dute ere. 18:00etan jarri dute hitzordua, Artziniegako Kultur Etxean. Pelikula sorpresa izango dela iragarri dute, baina aurreratu dute euskarazko filma izango dela, gaztelaniazko azpidatziekin. Proiekzioaren ostean ikusitakoaren inguruan eztabaidatuko dute.

Argazkiak: Taupada Gazte Elkartea

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide