XII. Aiarako Erakusleiho Lehiaketan izena emateko epea zabalik

Erabiltzailearen aurpegia AEKO 2025eko azaroaren 6a

Iazko sari banaketa./ Aiaraldea

AEKO-k (Aiaraldeko Enpreseen Koordinaziorako Federazioa), Aiarako Kuadrillaren babesarekin, XII. Aiarako Erakusleiho Lehiaketa deitu du.

Lehiaketa honetan parte hartu ahal izango dute Aiarako Kuadrillaren eremuan kokatuta dauden merkataritza-, ostalaritza- eta zerbitzu-establezimendu guztiek, baldin eta maila teknikoan baloratu daitekeen erakusleiho bat badute (barrukoa edo kanpokoa).

Izen-ematea doakoa da eta gaia librea da, baina establezimenduan saldu ohi diren artikuluak eta/edo produktuak agertu beharko dira.

Izena emateko epea azaroaren 21ean amaituko da eta izena udalerri ezberdinetako merkatarien elkarteetan (AEME, IZAN AMURRIO eta APILL), Laudioko Merkataritza Bulego Teknikoan (946722801) edo Zabaia Landa Garapenerako Agentzian eman beharko da.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide