Eskubideen urraketei erantzun

Erabiltzailearen aurpegia

Murrizketaz eta betetzeko zailak diren baldintzak dituen sistema izugarri pobrea areagotzearekin nahikoa ez, eta ezarritako botereek gizarte erantzuna saihestu nahi dute.

Euren erabakien kontra eta egungo lan egoera salatzeko egiten diren protestak kriminalizatu nahi dituzte, debekatzera iritsiz eta betiere salaketa eta zigorren mehatxuarekin.

Botere ekonomiko eta politikoek ez dute nahikoa euren borondatea burura eramatearekin.

Ez dute onartzen euren erabakiekiko gaitzespena, eta muturreraino eramaten dute kontzentratzeko eta manifestatzeko eskubidearen urraketa, indar errepresiboei euren kaxa jokatzeko bidea zabaltzera iristeraino.

Gainera, testigantza grafikoak biltzea ere eragozten dute, gero eskubide urraketa hori salatzeko aukerarik ez izateko.

Egoera hau ez da berria Euskal Herrian; baina orain naturaltasuna eman nahi diote euren ekintzen legezkotasuna aldarrikatuz.

Honen adibide bat da Tubos Reunidos enpresan 2012an gertatutakoa. Irailaren 10ean bi langilek epaiketa izan zuten gertakari horien harira eta azkenean absolbituak izan dira!

Honek, hausnartzera eraman behar gaitu. Ezinbestekoa da gure eskubideen urraketei aurre egiteko erantzunak antolatzea eta indarrak batzea. Gure eskubideen aldeko borrokak batzen gaitu eta langileen arteko elkartasunak gure oinarria izan behar du.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide