Amurrion euskararen astea ospatzen gaudela bide, astearte honetan arratsaldeko 19.00etan Amurrioko kultur etxean “Festarako jantziak azken 100 urteotan janzteko moduaren garrantzia” izeneko hitzaldi-tailera izan dugu.
Ane Albisu Iriartek gidatu du ekimena, berak idatzitako Atondu liburuan idatzitakoa azalduz. Irudien bitartez jantzien sorburua eta bilakaera azaldu dira eta ekitaldiari amaiera emateko jantziak nola eramaten erakusteko tailerra izan da, nesken zapia nola jartzeari garrantzia emanez.
Amurrioko herritar asko izan dira hitzaldian eta larunbatean herrian ospatuko den euskal jaian eramango dituzten jantziak nola eramateko ideia dezente hartu dituzte. Ziur larunbatean Amurrion izango den euskal ezkontzan Albisuk komentatutako hainbat ideia ikusten ditugula!
Argazkia eta testua: Andoni Diaz
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
