Adierazpen instituzionala plazaratu du Aiarako Koadrilak LGTBIQfobiaren Aurkako Nazioarteko Eguna dela eta

Erabiltzailearen aurpegia

Maiatzaren 17a LGTBIQfobiaren aurkako Nazioarteko Eguna dela eta, Aiarako Kuadrillak dibertsitate afektibo eta sexuala zein genero identitate anitzak ospatzen dituen eskualdea aldarrikatu nahi du, heterosexualitatea araua ez den eskualdea, LGTBIQ kolektiboari egindako erasoak zigorrik gabe uzten ez diren eskualdea. LGTBIfobiak ez du soilik pertsonen askatasuna arriskuan jartzen, baita gizarte osoaren ongizatea ere.

Gaur, Kuadrillak hitz ematen du Eskubide Sexualen Adierazpen Unibertsala aldeztu eta sustatuko duela, bai eta Nazio Batuen Erakundeko Giza Eskubideen Kontseiluak 2014ko irailaren 26an onetsitako ebazpena ere, eta gure elkartasuna adierazten dugu publikoki munduko hainbat lekutan sexu orientazioarengatik eta genero identitatearengatik jazarpena, tortura eta bazterkeria jasaten dutenekin.

Era berean, Aiarako Kuadrillak bere gain hartzen du sexualitate, genero eta desio anitzak ikusarazteko konpromisoa, eta LGTBIQ taldekoen kontrako diskriminazioari, estigmatizatzeari eta bortizkeriari aurre egitekoa, berdintasun politika publikoaren bidez.

Hala, Kuadrillak sexu eta genero aniztasunaren gaia lantzen jarraituko du:

*LGTBIQ ikuspuntua zehar-lerro bidez txertatzen programa eta ekintza guztietan: hezkuntza, gizarte zerbitzuak, osasuna, aisialdia, gazteak eta umeak, helduak… betiere LGTBIQ kolektibo eta mugimendu feministarekin koordinatuz.

*Hezkidetza programen barruan, hezkuntza zentroekin eta Berritzegunearekin koordinatuta.

*Hitzaldiak eta erakusketak antolatu eta koordinatuko ditu herritarrak kontzientziatzeko, Aiaraldeko Berdintasunerako Gunearekin eta gainerako Berdintasun Zerbitzuekin batera, betiere, LGTBIQ kolektibo eta mugimendu feministarekin koordinatuz eta beraien ekarpen guztiak jasoz.

*Kuadrillako weborrialdean, LGTBIQfobiari aurre egiteko baliabideen berri emango da, herritarrek gaiari buruzko informazioa izateko.

*Azkenik, Kuadrillako egoitzan, ortzadarraren bandera jarriko da maiatzean eta ekainean, genero eta sexu aniztasunaren aldeko konpromisoa bistaratzeko.

Amaitzeko, dei egiten diegu herritarrei Aiaraldean maiatzaren 17ko kanpaina dela eta, antolatutako ekintzetan parte hartzera.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide