Aiarako Kuadrillak Ingurumena zaintzeko boluntarioen sarea abian jarri du

Erabiltzailearen aurpegia

Aiarako Kuadrillako Ingurumenaren arloak herritarrak mobilizatzeko hainbat jarduera sustatzen ari da, etxeetan, dendetan eta eskoletan jarraibide arduratsuak ezartzeko eta, oro har, gure ondare naturala babesteko. Konpostagile-sarea sortu ondoren, elikagai xahuketa gutxitzearen aldeko familia-taldea eta berriki Vital Kutxa Fundazioaren eskutik Etxe Berdeak programa abiarazi dira. Oraingoan, agente hoiei helduta eta gure ondare naturala zaindu eta kontserbatzeko helburuarekin boluntarioen sarea abiarazi nahi du.

Boluntariotza-sare hori abiarazteko, Arabako Foru Aldundiko Ingurumen Sailaren eskutik, ekoizle, erlezain eta antzeko eragile eta oro har ingurumenaren zaintzarekin arduratuta dauden pertsona aktiboen talde bat sortu nahi dugu liztor beltzaren harrapaketa kanpainan parte har dezaten, Aiara, Artziniega eta Okondo udalerrietan tranpak jarriz. Parte-hartzaile bakoitzari gutxienez bi tranpa emango zaizkio.

Tranpak hiriko berdeguneetan edota landa-eremuetan instalatu beharko dira, gutxienez 1,5 eta 2 metro arteko altueran eta ekoizpen-eremuetatik, fruta-arboletatik, erlauntzetatik, ibaiertzeko eremuetatik eta antzeko lekuetatik gertu. Interesdunek kokapenari buruzko datuak eman beharko dituzte, datuen tratamendua errazteko. Gehienez ere bi kokalekutan tranpak jarri nahi dituzten parte-hartzaileek 4 tranpa hartu ahal izango dituzte.

Tranpak eta jarraibideak Aiarako Kuadrillan zein Aiara, Artziniega eta Okondoko udaletxeetan egongo dira eskuragarri martxoaren 25etik aurrera. Tranpak entregatzeko, ezinbestekoa izango da aldez aurretik Aiarako Kuadrillarekin harremanetan jartzea 682 504 191 telefonoaren bidez (deia, mezua edo WhatsApp bidez) apirilaren 10a baino lehen, gainera erantzukizunpeko adierazpena bete behar da.

2020an, liztor beltzaren 240 bigarren mailako habi hauteman ziren Aiarako Kuadrillan. Aurreko urtearekin alderatuta % 30eko hazkundea eman zen, gainera, datu hori Araba osoan identifikatutako bigarren mailako habien % 60ri dagokio. Espezie inbaditzaile honen eboluzioa gure eskualdean oso larria da, modu berean horrek gure ekosistemetan   duen eragina oso kaltegarria da. Zure laguntzari esker, hedapen hori moteldu egin daiteke; horregatik, boluntariotza-sare honetan parte hartzera gonbidatzen zaitugu, eskualde hobe baterantz pausoak emateko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide